Georgian Atheists, Agnostics & Freethinkers. Religious and scientific News, Articles, books, videos, blog posts, comments and ...

„ თუ ღმერთის არ გწამთ, მაშინ მითხარით ვინ შექმნა სამყარო?“ ეს არის ყველაზე ხშირად დასმული კითხვა რელიგიური ხალხისგან. ამ კითხვას არამხოლოდ ფუნდამენტალისტები არამედ რეგულარული მეინსტრიმ მორწმუნეებიც სვავენხოლმე. ხშირ შემთხვევაში ეს თეისტები ამტკიცებენ რომ მეცნიერებას აქვს მტკიცებულება უძრავი მძვრელის არსებობის - ღმერთის არსებობის კოსმოლოგიური არგუმენტი ,  რომელიც გულისხმობს იმას, რომ ამ მოწესრიგებულ, ჰარმონიულ, მშვენიერ სამყაროს აუცილებლად ჰყავს ის არქიტექტორი, რომელმაც ასე შექმნა იგი და თუ არსებობს ყოფიერება, აუცილებლად არსებობს მისი შემოქმედი.

ისინი ვინც ცდილობენ რომ გამოიყენონ მეცნიერება ღმერთის არსებობის დასამტკიცებლად, როგორც ჩანს არც ისე კარგად ესმით მეცნიერება. ჯერ დოგმატური დასკვნის მიღება, რომ ღმერთი არსებობს და ამის შემდეგ მტიცებულებების ძებნა და ამ უკვე მიღებულ დასკვნაზე მორგება , სრულიად ეწინააღმდეგება მეცნიერების პრინციპებს. მეცნიერება მუშაობს პირიქით, თავიდან იწყებს დაკვირვებით, მტკიცებულებების შეგროვებით და შემდეგ გამოაქვს დასკვნები. რაც მთავარია ეს დასკვნები ყოველთვის ღიაა გადახედვისათვის. ახალი მტკიცებულებების აღმოჩენის და  განმეორებითი ცდებით გადამოწმების შემდეგ, იგი შეიძლება შეიცვალოს უკეთესი ვარიანტით ან საერთოდ უარყოფილ იქნას. ხოლო ნებისმიერი დოგმა, რომელსაც ღებულობს რელიგია არის საბოლოო დასკვნა და გასაჩივრებას არ ექვემდებარება. ყველაფერი რაც ეწინააღმდეგება და აბსურდულს ხდის ამ დოგმურ დასკვნებს ითვლება ავტომატურად მცდარად. მაგალითად უამრავი მტკიცებულებებით და ცდებით დადასტურებული და მეცნიერულად დადგენილი სამყაროს ასაკი,  რომელიც მილიარდობით წელია , აბსურდულად  ითვლება მაგ. მართლმადიდებელი ქრისტიანებისთვის, რომლებიც თვლიან  რომ სამყარო სულ რაღაც 6-7 ათასი წლისაა. ხოლო ერთერთმა ქრიატიანმა არქიეპისკოპოსმა  ჯეიმს აშერმა(James Ussher) გამოითვალა ზუსტი თარიღი სამყაროს შექმნის -- დილის 9 საათი 23 ოქტომბერი 4004 წ. ჩვენს წელთაღრიცხვამდე.

CNN აცხადებს რომ ამერიკის საჰაერო ძალებმა შეწყვიტეს 2 დეკადის განმავლობაში მიმდინარე პროგრამა ,რომელიც მდგომარეობდა ბირთვული რაკეტის გამშვები ოფიცრების ტრენინგში . სწავლება შეიცავდა ეთიკისა და მორალის განხილვას, რომლის დროსაც ფსიქოლოგიურად ამზადებდნენ ბირთვული რაკეტის გამშვებებს და ასწავლიდნენ რომ ბიბლიის მიხედვით ომი კარგია.

43 გვერდიანი პრეზენტაციიდან სლაიდების უმრავლესობა შეიცავდა ქრისტიანულ ხედვას ომის შესახებ, რომელებზეც ნაჩვენები იყო სხვადასხვა წმინდანები როგორიცაა წმინდა აუგუსტინი და სხვადასხვა ციტატები ბიბლიიდან.